MAGOSTO MUSICAL

Estamos argallando unha boa no Melandrainas Café. Vinde con ganas de pasálo ben. Haberá castañas asadas para encher o bandullo e viño quente para mollar a palleta. Traede pandeiretas e cunchas  para  acompañar ao noso benquerido Victor Iglesias.1

 

Anuncios

SAMAÍN TEATRAL

A noite pasada tivemos a nosa primeira experiencia de “Quedada nocturna”.                    Os rapaces e rapazas dos grupos de teatro infantil e xuveníl tiveron a oportunidade de vivir unha experiencia única e moi  divertida aproveitando a máxica noite de Samaín.      Houbo disfraces arrepiantes, caras ensangrentadas, xogos,  moitos nervos e algún que outro Halloween Themed Party Flyersusto pero sobre todo moita-moitísima ilusión. Na despedida bicos e apertas pero sobre todo a promesa de xuntarnos de novo canto antes. Haberá que ir pensando nunha nova quedada…

É TEMPO DE SAMAÍN

Chega o outono e con él as castañas, as caveiras de melón, os calacús, as abóboras; chegan as augas e os tempos escuros, remata o verán e encétase o inverno, vaise a calor e vén o frío: acaban as romarías ao sol e inícianse os fiadeiros a carón do lume: son os tempos de Samaín.

Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores: tantas veces para render contas inacabadas.

Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, ou cabazos, ou calabazotes. 

Rafael López Loureiro, mestre de escola de Cedeira foi o responsable de redescubrir esta tradición e comprobar que existía por todo o país ata hai menos de trinta anos.  O texto teatral, “Indo para o Samaín”, de Carlos y Sabela Labraña, tamén amosa ós máis pequenos esta tradición galega.

Pouco a pouco  o Samaín  está a ocupar o lugar que se merece dentro das tradicións do país para estes días do ano. Por ise motivo, os máis  xóvenes  do Colectivo de Teatro Melandrainas sairán polas rúas de Arteixo a facer falcatruadas o Mércores 31 de Outubro, a partires das 19:00 hrs.  ¿Atreveráste a saír da casa?23130877_1411397858982525_884485855642114624_n

PROXECCIÓN do audiovisual “Porlier en Pastoriza”

O vindeiro Venres, 26 de Outubro,  ímos facer dous pases para que poidades disfrutar da proxección do audiovisual realizado por Fran Naveira.

O primeiro pase que será ás 20:00 hrs. está reservado exclusivamente a participantes, organización, autoridades e representantes locais e o segundo, ás 21:30 hrs, para o público en xeral

A entrada é gratuíta con invitación ata completar aforo. INVITACIÓN PORLIER -2º PASE